رحله الى منتزه الخيران

السلام عليكم ورحمة الله وبركاته
اليوم بوديكم منتزه الخيران ( الكويت ) شرايكم نتوكل على الله ؟؟
طبعا في بداية الامر روح احجز من مركز الاستقبال يم مطعم مركز سلطان اللي عالبحر وبعد ماتحجز طال عمرك ويحددون لك اليوم روح زهب جنطتك وعلم الاهل والاصدقاء كلهم وقولهم ترى بروح الخيران واللي يبي ايي حياه الله الشاليه شاليهه ^_^
انا اقول لو يكون الحجز اسبوع من السبت لي الجمعه ترى وايد احسن من اربعاء وخميس وجمعه يعني مايمديك اتنزل جناطك والا ثاني يوم بس تستانس وثالث يوم شايل قشك فاقول اسبوع ترى وايد زين ويمدي حق الوناسه واذا بغيت شي بعد مايبيله الديره قريبه سو شغلك وارجع ^_^
المهم ماطولها عليكم وخلونا نروح ونشوف شاللي عندهم ونشوف شاللي عندهم


هني اول ماتقبل على شارع المنتزه وحاطين لك لافته السيارات المسجله على الشاليهات فقط ... يعني اللي ماله شغل ياخذ يمين ويوقف سيارته وين مايبي خو ارض الله واسعه

وتوصل شاليهك في امان الله وتصفط سيارتك من غير شر ان شاءالله
وعقب عاد تنادي اللي يشتغلون وقولهم يالله اهو بشوف همتكم منو اسرع واحد فيكم ينزل الاغراض داخل الشاليه وتلاقيهم عاد هب ريح ماشاءالله كل واحد تقول شايله بيت كامل على ظهره ^_^

عاد هني يبدا الشغل المضبوط ... روح ركضه واخذ الغرفه اللي عالبحر مباشره لووووووووووووووول
وحط جنطتك وحط ملابسك على السرير يعني ترى هالغرفه لي واللي ايي هني بحش ريوله ههههههههههه ... لايبا نتغشمر شدعوه الحين الواحد بيقعد بالغرف بس حق تبديل الملابس والنوم وانت اللي طالع ماكو قعده بالشاليه بالخيران فراره لين ينهد حيلك
بس عاد عقب ماتحط جنطتك وملابسك بطل الشريشه ههههههه ... يالله شريشه شريشه على قولة واحد زين ^_^

ياسلااااااااااام على المنظر الحلو ... شير يمشي احبال تطير ... لالالالا مو جذي اقصد شير اشزينه بحر يرد الروح يساعد على السباحه الصراحه .. ياسلااااام اكو لهفه على البحر مو طبيعيه الواحد وده يطب في هالبحر ومايطلع ... شنو اصبوره الحبيب ؟؟

هههههه الحبيب مستانس مابقى الايركب الناس اللي بالمنتزه كلهم

هالطيبه الحبيبه انا قاعد اسبح ياغافلين لكم الله واهيه يمي الاخت وماتتحجى يامال الدقم اللي على صماخج يالخمة الفقر
ترى صج والله مو لعبه
لا وكان في واحد يمي ولد حلال قاعد ويطامر والا لو حايشها جان سوته زبيدي عالفحم ههههههه
اقول ياجماعة الخير دام السالفه جذي يبا هونا مانبي نسبح لوووووووووووووووول
خل اوديكم اركبكم في اليخت مالي بلا سباحه بلا بلاوي لخم ويرايير وفك مفترس مالنا خلق اتصير افلام هىهىهىهى
يالله تعالوا تعالوا نسوي رحله في اليخت مالي ^_^
حياكم لاتستحون ترى اليخت لكم بكل مافيه من امكانيات عجيبه غريبه تعالوا يالله

هذا اهو اليخت مالــــــــي
شرايكم فيه فلّه مو؟؟
.
.
عاد عقب هالجوله وهالسباحه يالله خلونا نرجع الشاليه ونتحمم ونغسل ونبدأ مشوار يديد في منتزه الخيران ^_^
مثل ماانتوا عارفين شارع الحب في منتزه الخيران معروف ... الدائري اللي يصل بجميع مرافق المنتزه مع بعض ويردك لنفس نقطة البدايه اللي بديت منها ... ياسبحان الله شفتوا شلون ؟
يعني في هالشارع هذا ياإنك تركب سيارتك وتقز او تمشي على ريولك لين يطيح حظك وخصوصا لما يكون الجو رطوبه او تأجر لك قاري ابو اربع تواير وتقعد تفتر فيه وتركب وياك اللي تبي واللي ماتبي

.
.

انك اتكون يايب معاك قاري واحد من الاهل وتقص عليه بجم كلمه وتركب بداله او تأجر وتطيح له فراره
بس شوف اذا مالك خلق انطر القطار

طوووط طووط هذا قطاري
.
.
شوي وانت تفتر وتتذكر الاغنيه الدايخه البرتقاله شقيتي حاله ليش ياترى تتذكر هالمصاخه هذي ؟؟
انا اقولكم والسبب هالــ .........

هالبقاله ^_^ ترى هذي دكان بس على برتقاله ... عليها لود موطبيعي بالليل
.
.
لازم نلعب المشخال

وندخل داخل المارينا ... طبعا تحتوي على طاولات بلياردو وبيبي فوت والعاب كمبيوتر وتنس طاوله وبولينج ومطعم حق البلعه والقعده والهذره فخلونا نشوف جانب من داخل المارينا شرايكم ؟؟

وتبدي الحفله عقب وطالع هالاوادم واستانس وشوف اللي مناك واللي مناك واللي واللي ^_^

والحين احلى عشا

يم يم
شوي اتهضم الاكل وترتاح قزرها مره ثانيه مشي على الممشى اللي ورى صوب البحر ترى خوش ممشى وحلو وجميل ^_^
وانت قاعد في امان الله وتسولف وتتمشى وتشوف الشاليهات المقابله وعلى شقّة النور توه بادي يطلع من بعد مااتصلي الفجر

تأملات بداية يوم جديد

وكل يوم جذي
وتطلع من المنتزه من غير مطروود

ومع السلامه
لاتنسووون الردود ترى تعبت من الموضوع